1.拌勻材料
水 20毫升、砂糖 40克、已溶無鹽牛油 20克、低筋 麪粉 30克拌勻。
2.加杏仁片
加入杏仁片 20克拌勻成 麪糊，可以腰果碎、果仁碎代替杏仁片。
3.乾燒脆片
燒熱平底鑊，舀少許 麪糊煎至兩邊金黃色成脆片。
4. 待凉後杏仁脆片會卜卜脆，可做蛋糕裝飾食都得！
自家焗曲奇，總是不夠鬆脆，又要拂蛋整 麪 糰，又易焗 燶 晒，想做零食邊使咁煩！今日 教 你用平底鑊做杏仁脆片，只要 5 分鐘就得，做零食之餘，亦都可以做甜品裝飾。 啱 啱 煎好 嘅 脆片十分煙韌，攤凍後就卜卜脆！你亦可加入腰果碎、果仁碎，而砂糖份量亦可隨個人喜好加減。
