白飯魚煎蛋

煎白飯魚　生熟蛋互撈先受溝


白飯魚煎蛋

材料：
白飯魚100克、雞蛋（拂勻）5隻、麻油1茶匙

做法
煎香白飯魚 1.白飯魚、麻油拌勻，落鑊炒至變白色約八成熟，盛起備用。
熟蛋拌生蛋 2.燒熱鑊下油，下半份蛋炒熟，盛起與白飯魚一齊放入餘下蛋漿中拌勻。
煎至金黃 3.燒熱鑊下油，下混合好的蛋漿，煎至兩面金黃色，盛起上碟，完成。

貼士
白飯魚煎蛋這味家常菜竟然難到不少師奶們，原因是白飯魚同女人一樣都係水做嘅動物，煎蛋時會狂出水，結果撈唔埋。其實可先將白飯魚略煎逼出水份，再與蛋一齊下鑊煎，兩者融為一體，好味！