白糖糕 - 食譜/直接坐熱水製作圖
食譜 6吋圓形1件
1 熱水 120g+砂糖 42g 拌勻,放涼.
2.加入50g 粘米粉(先過篩),再攪拌勻.
3.慢火直接坐熱水推成米糊. 過篩.
4.加1/4 茶匙 依士粉, 1/8 泡打粉.拌勻.
5.蓋上保鮮紙發酵8 小時.
6.大火蒸 12分鐘.
7.如果想減些少酸味,蒸前加2滴梘水拌勻,再等半小時至蒸.
以下製作圖供大家參考.....參考
我曾經用過兩種方法整白糖糕.
1.用易潔鑊慢火煮,邊煮邊拌勻成糊,間中可能要離火攪,因為係好易煮杰左架!
2.煲滾水,熄火,直接坐入熱水2分鐘.(如下圖1)
再用慢火邊煮邊攪拌,大約5分鐘,開始成稀糊狀.
呢個時候,我就改用個膠刮不停攪拌/剷底 約5 分鐘,測試,煮到可以將糊撥開成兩邊,
但又好快(痴)番一齊.就差唔多可以OK .(下圖一撥開就見底.)
過篩後得番 155g.原來都蒸發左幾多架!
將1 茶匙米糊,加入依士和泡打拌勻,約1分鐘見到好多泡沫,即係未過期啦!
再倒回米糊攪拌勻.
哈哈! 發酵了2個半小時,已經有好多可愛的泡泡.
呵呵! 7 小時後就是這個樣子!
倒入蒸籠,我舖上牛油紙,大火蒸12分鐘,就係呢件甜甜酸酸的愛心白糖糕!
Source from youtube/irenechanwai
大家如有興趣觀看更詳盡的內容,
各位如對此片段有任何查詢，請到訪 [韋太享烹飪教室
http://irenechanwai.mysinablog/
